Tommy Robinson, politikani i djathtë ekstrem që është edhe kandidat për zgjedhjet europiane është përplasur në rrugë me një person nga Blackburn. Danyal Mahmud, 23 vjeç ishte duke punuar në Warrington, u ndal në rrugë nga Robinson dhe më pas filloi një përleshje mes tyre. Ishte Mahmud që hodhi qumësht mbi Robinson, shkruajnë mediat e huaja.
Pas grindjeve, dikush dëgjohet duke bërtitur, “Kjo është ajo që ju merrni duke qenë një fashist”.
How was my man so casual
Tommy Robinson's milkshake brings all the boys to the yard
— Organised_Chao5 (@Organised_Chao5) May 2, 2019
Sipas Lancashire Telegraph, njeriu 23-vjeçari pas incidentit ka thënë: “Unë kam qenë në Warrington për një takim dhe më pas isha në rrugën time për në shtëpi. Unë thjeshtë isha duke kaluar në këtë grup njerëzish dhe ai vetëm më ndalonte dhe donte të bisedonte me mua. Ndryshova disa herë drejtim, por ai vazhdonte të më ndalonte, unë isha i vetmi djalë aziatik atje.
Unë i thashë atij se nuk dëshiroj të flas me ty me ose jashtë kamerës. Më pas ndodhi incidenti. Ndihem i tronditur për të qenë i ndershëm.”
Pasi djali i hodhi qumësht në fytyrë, Robinson e goditi atë me grushte, por të pranishmit ndërhynë menjëherë për të mos lejuar agravimin e situatë. Mahmud u shoqërua në polici, por u lirua pak më vonë.
