Daily Mail ka publikuar së fundmi pamje të reja të rastit të George Floyd, i cili ndërroi jetë në duart e policisë.
Në video shihet me detaje se si nisi ngjarja e afro-amerikanit, e cila ngjalli protesta të shumta në shumë vende të botës. Videoja fillon me ardhjen e policisë në vendin e ngjarjes, ndërsa Floyd në ato momente gjendej në makinën e tij.
“Ju lutem oficer, mos më qëlloni”, i drejtohet ai policit duke qarë.
Oficeri i cili ia kishte drejtuar armën Floyd, i tha të dilte nga makina duke e siguruar se nuk do e qëllonte. Floyd i rezistoi arrestimit, ndërsa policia u detyrua ta vendosë atë në pjesën e pasme të makinës.
Më tej në video shikohet edhe momenti kur polici i vë gjurin në fyt Floyd, teksa ky i fundit i thotë se nuk po merr dot frymë. Edhe në momentin kur ai nuk po reagonte më, polici nuk e ka hequr gjurin nga qafa e tij.
