Gjykata e Elbasanit ka vendosur të pushojë për herë të tretë çështjen penale kundër Florenc Çapjas. Me argumentimin se kjo çështje nuk ka provat e mjaftueshme për të hyrë në proces gjykimi.
Me këtë vendim, gjyqtari i Elbasanit, Tomor Kullolli ka urdhëruar policinë të urdhërojë menjëherë lirimin e Florenc Çapjas, edhe pse ky i fundit nuk ishte prezent në seancën gjyqësore.
Momenti kur RENEA ndërhyn në Elbasan, mes të arrestuarve edhe Florenc Çapja (Video)
Florenc Çapja ishte arrestuar me akuzën e “Vrasjes me paramendim” e mbetur në tentativë në dëm të ish-efektivit të policisë rrugore Fadil Mema, si dhe akuzën e “Mbajtjes pa leje të armëve dhe municioneve luftarake”.
Florenc Çapja u arrestua pas një operacioni ‘blic’ të RENEA-s në 13 qershor të këtij viti.
Ndërkohë, prokuroria e Elbasanit do e dërgojë vendimin në Gjykatën e Apelit. Kjo e fundit do të vendosë gjatë ditëve në vijim nëse gjyqtari Kullolli ka të drejtë.
Atentati ndaj Florenc Çapjas/ Prokuroria: 22 vite burg për Shkëlzen Hasanpapajn
