Deklarata e boksierit shqiptar Klevis Çelaj, teksa tregoi për situatën e tij të vështirë familjare dhe kushtet në të cilat stërvitet, ka tërhequr edhe vëmendjen e aktorit të humorit Rezart Veleshnja.
Edhe pse arriti të rrëmbejë çmimin kampion kombëtar për peshat 50 kg, Çelaj është shpërblyer vetëm me 14 mijë lekë (të reja). Shumë e cila nuk i del as për të blerë një palë doreza boksi.
Përmes një postimi në “Instagram”, aktori Veleshnja ka kritikuar ashpër qeverinë. Ku shkruan se akordoi shumën prej 100 mijë eurosh për rindërtimin e Katedrales “Notre-Dame” në Paris, ndërsa sportistët që fitojnë medalje duke përfaqësuar Shqipërinë, “i lëmë të vdesin për bukë”.
Kampioni i boksit në Shqipëri shpërthen në lot: S’kam para as për ushqimet
“Kemi bërë investime rreth 120 milion euro për rrugët por kemi aksidente përsëri, i dhame 100 mijë euro Notre Dam de Paris se u dogj sna hapen as negocjatat, kemi investuar në stadiume por ndeshje sfitojmë skemi lënë ministër pa e bërë me saraje që të jetojnë si pashallarë por kampjonet e sporteve tona do i lëmë të vdesin për bukë, sepse ju s’doni ta kuptoni por ne jemi komunizmi i modernizuar të dashur njerëz! Më vjen keq ku jetoj! Shpresoj ti jepni një zgjidhje këtyre njërzve që janë të ndershëm na bëjnë krenar edhe nuk merren me lëndë narkotike apo me krime te ndryshme! Flm”, shkruan aktori.
