Një 24-vjeçar është vënë në pranga, pasi ai kishte ngacmuar seksualisht duke i çuar foto e video nudo një të reje, e cila kishte ardhur nga Arabia Saudite për pushime në Shqipëri.
25-vjeçarja nga Arabia Saudite kishte ardhur për pushime në Tiranë, por është përballur me ngacmimin seksual nga 24-vjeçari J. Meta.
Ky i fundit, nga data 17 deri në momentin që është prangosur një ditë më parë, i kishte dërguar 25-vjeçares foto dhe video nudo të tij, si edhe mesazhe në gjuhën angleze me përmbajtje banale.
Duke parë që situata po agravohej edhe më tej, ajo i është drejtuar policisë për ndihmë. Pasi e ka denoncuar 24-vjeçarin në Komisariatin e Policisë Nr.1 në Tiranë, ai është vënë në pranga.
“Nga specialistët për Hetimin e Krimit në Komisariatin e Policisë Nr.1, u bë arrestimi në flagrancë i shtetasit J. M., 24 vjeç, pasi dyshohet se ka ngacmuar seksualisht një shtetase 25-vjeçare”, njoftoi policia.
