Arben Frroku i ka shpëtuar burgimit të përjetshëm të dhënë nga drejtësia shqiptare.
Një gjykatë holandeze vendosi të njohë dënimin e dhënë në Shqipëri ndaj tij, duke e ndryshuar masën e dënimit nga i përjetshëm në 18 vjet heqje lirie. Frroku kërkoi njohje të dënimit shqiptar, pasi pala holandeze refuzoi kërkesën e tij për ekstradim në Shqipëri.
Gjykata e Apelit për Krimet e Rënda e dënoi atë me burgim të përjetshëm për vrasjen e kryekomisarit, Dritan Lamaj në shkurt të vitit 2013.
Ai u arrestua në Greqi pak kohë pas ngjarjes, ndërsa në atë kohë Gjykata e Krimeve të Rënda e shpalli të pafajshëm. Frroku u largua sërish nga Shqipëria pas vendimit, por çështja e tij u apelua duke u dënuar me burgim të përjetshëm.
Arben Frroku qëndroi në Holandë, ku u arrestua me dokumente të falsifikuara greke.
