E premte, 22 Tetor, 2021
14.5 C
Tirana

Koronoavirusi një armë? Ç’duhet të dini për patogjenët e luftës biologjike

Një ekspert izraelit i luftës biologjike, bëri disa ditë më parë pretendimin e bujshëm, se Koronavirusi i Vuhanit, është zhvilluar qëllimisht nga Kina, si pjesë e programit të saj të fshehtë të armëve biologjike. Ky pretendim, pati një vëmendje të madhe në mbarë botën.

Dhe kjo pasi lufta biologjike, ka qenë gjithnjë një temë e frikshme. Bio-armët, lufta e mikrobeve, bio-terrorizmi dhe lufta biologjike janë terma që ngjallin frikërat më të mëdha në mendjet e njerëzve. Nuk ka ende ndonjë prove, që shtami vdekjeprurës i koronavirusit, ka rrjedhur aksidentalisht nga një laborator kinez.

Por fakti që në Vuhan, ku nisi pandemia, ndodhet Laboratori Kombëtar i Biosigurisë, duket se i jep besueshmëri teorisë. Gjithsesi, besimi shkencor mbizotërues është se virusi vrasës, pësoi  mutacion tek gjarpërinjtë, dhe më pas u transmetua te kafshët.

Pse shfaqen ka shpejt teoritë mbi armët biologjike? Historia tregon se njerëzimi është lodhur me idenë e përdorimit të agjentëve biologjikë, për asgjësimin e një numri të madh njerëzish. Aktorët shtetërorë ose joshtetërorë, mund të krijojnë viruse të tilla me synime dashakeqe, dhe është gjithnjë e mundur që disa prej këtyre agjentëve të zbulohen aksidentalisht.

Besohet se lufta biologjike në formën e saj më të egër, ka ndodhur fillimisht disa mijëvjeçarë më parë. Asirianët e lashtë, i përdorën mikrobet për të fituar disa luftëra. Ata besohet se infektuan puset e armiqve me kërpudha, që përmbajnë kimikate të ngjashme me drogën LSD, duke i çmendur ushtarët armiq.

Ndërkohë, eksperimentet e mëvonshme me armët biologjike, kanë qenë shumë më vdekjeprurëse. Po cilët janë patogjenët kryesorë të luftës biologjike? Sipas një dokumenti të NATO-s mbi këtë lloj lufte, ekzistojnë të paktën 39 agjentë biologjikë, që mund të shkaktojnë dëme të jashtëzakonshme gjatë një lufte.

Këtu përfshihen bakteret, viruset dhe toksinat që shkaktojnë sëmundje si antraksi, tularemia, lija e dhenve, murtaja, ebola, ethet hemorragjike, sindroma polmonare hanta etj. Ja cilat janë kryesoret:

Bakteret Bacillus Anthracis: Ato shkaktojnë sëmundjen e Antraksit. Është deri më sot agjenti më i rrezikshëm i përdorur ndonjëherë si armë biologjike. Sporet e antraksit, mund të qëndrojnë aktive për vite me radhë, dhe gjenden natyrshëm në mjedis. Por mund të prodhohen edhe në laborator. Antraksi besohet se e ka origjinën nga Egjipti dhe Mesopotamia, dhe ka vrarë mijëra njerëz në momente të ndryshme të historisë.

Variola major: Ky virus shkakton sëmundjen e lisë së dhenve, që dikur ka qenë vdekjeprurëse. Ajo është shumë ngjitëse, dhe ka vrarë milionë njerëz, derisa u zbulua vaksina që mban nën kontroll infeksionin.

Virusi Marburg: Shkakton Ethet hemorragjike të Marburgut. Është përhapur fillimisht nga lakuriqi i frutave në Afrikë, por mund të izolohet dhe prodhohet si një armë biologjike.

Virusi Ebola: U zbulua në vitet 1970 në Republikën Demokratike të Kongos. Është një nga më vdekjeprurësit, me një shkallë vdekshmërie mbi 50 përqind. Së fundmi, ka vrarë mijëra njerëz në Afrikë.

Nairovirus, Flebovirus dhe Hantavirus: Këto viruse shkaktojnë ethet hemorragjike koreane. Disa nga këto shtame virusesh, shkaktojnë vdekjen e rreth 50 përqind të personave të prekur.

Yersinia pestis: Ky virus shkakton sëmundjen e njohur si Murtaja Pneumonike. Ka pasur raste kur ky virus, është prodhuar në laboratorë si një armë biologjike.

Gjatë historisë moderne, patogjenet biologjike janë përdorur në luftën biologjike dhe sulmet terroriste. Iraku ka prodhuar dikur bëri sasi të mëdha antraksi, toksine botulinum dhe aflatoksine, të cilat i vendoste në raketet e saj Skud. Po ashtu, ka pasur rrjedhje aksidentale të viruseve nga laboratorët sovjetikë.

Edhe Japonia përdori toksinat botulinum C në luftën kundër Kinës në Mançuri. Një ish-shkencëtar sovjetik, tregoi vitet e fundit se Ushtria e Kuqe e përdori bakterin Francisella Tularensis kundër trupave gjermane gjatë Luftës së Dytë Botërore. Ndërkohë infeksionet e Nairovirus, Flebovirus dhe Hantavirus, u përdorën gjatë Luftës së Koresë.

Konventa e Armëve Biologjike e vitit 1972, nuk i ndaloi plotësisht shtetet të ndjekin programin e armëve biologjike, por frenoi disi numrin e tyre. Gjithsesi, që nga ajo kohë bota ka parë një përhapje të madhe të armëve biologjike, një pjesë e të cilave kanë rënë në duart e terroristëve.

Në vitin 1995, sekti japonez Aum Shinriko ndërmori një sulm terrorist me antraks dhe toksinë botulinum në vende të ndryshme, përfshirë një bazë detare amerikane në Jokosuka. Po atë vit sekti ndërmori edhe një sulm me gaz sarin në metronë e Tokios, duke vrarë 12 njerëz duke më shumë se 5.000 të tjerë./TIRANA TODAY

- Reklama -

Më shumë nga kategoria




Të fundit

Dy fitore që çojnë në humbje

Nga: Blendi Kajsiu Që fitorja e fushatës Berisha është humbje e madhe për PD-në, kjo tashmë është e qartë edhe për vetë doktorin. Ai e...

Si mund ta ndryshojnë politikën në Evropë zbulimet e “Pandora Papers”

Nga: Chris Raggett “European Council on Foreign Relations” Fshehtësia e financave nuk është më si dikur. Publikimi më 3 tetor i “Pandora Papers”, i rreth 12...

Donald Trump lançon rrjetin e tij social, ja si do të quhet aplikacioni

Pasi u përjashtua nga platformat sociale si Facebook dhe Twitter, Trump ka bërë përpjekje për krijimin e një media sociale rivale. Ish-presidenti amerikan Donald...

Super-operacion i shërbimit sekret, në pranga 15 agjentë të Mossad-it

15 persona janë arrestuar në Turqi, pasi autoritetet i akuzojnë si agjentë të shërbimit sekret izraelit, Mossad. Si rezultat i operacionit të kryer në...

Progres-Raporti 2021 konfirmon 15 parakushtet e paplotësuara

Nga: Bujar Leskaj Komisioni Europian publikoi ditën e djeshme Progres-Raportin për Shqipërinë. Të 136 faqet e këtij raporti përbëjnë provën e shkruar se qeverisja...