Presidenti i Filipineve, Rodrigo Duterte, është shprehur mjaft besimplotë lidhur me zbulimin e vaksinës së koronavirusit nga Rusia.
Duterte ka treguar gatishmërinë të bëhet personi i parë që i nënshtrohet kësaj vaksine.
“Besoj në vaksinën e prodhuar prej tyre dhe mendoj se ajo do të jetë shumë e mirë për njerëzimin”, tha ai.
Nga ana tjetër, edhe Rusia ka pranuar të bashkëpunojë me Filipinet për eksperimentet, furnizimin apo prodhimin e vaksinës.
Zyra e presidentit Duterte sqaroi të martën se vaksina ruse duhet t’i nënshtrohet fillimisht kontrollit nga administrata e ushqimeve dhe ilaçeve në vend.
