Kryeministri Edi Rama njoftoi pasditen e sotme një tjetër vendim të marrë nga qeveria në lidhje me masat e marra për koronavirusin.
Rama paralajmëroi se duke filluar nga dita e sotme do të ndalohej edhe lëvizja e këmbësorëve pas orës 18:00.
Si duket vendimet për kufizimin e qarkullimit me makinë dhe për këmbësorët janë publikuar në Fletoren Zyrtare. Vendimi ka hyrë menjëherë në fuqi dhe paralajmëron të gjithë qytetarët, se do të gjobiten nëse nuk e zbatojnë.
Në vendimin e publikuar në Fletoren Zyrtare, të siguruar nga BalkanWeb thuhet se qytetarët që kapen duke lëvizur në rrugë në orarin e përcaktuar nga qeveria, do të gjobiten me 10 mijë lekë të rinj. Gjithashtu do t’iu bllokohet makina 3 muaj.
