Aktori i madh i humorit, Agron Llakaj, ka reaguar ashpër ndaj programit “Aventurierët”. Me një postim në Instagram, ai e cilëson një show të shëmtuar dhe të rëndë në çdo drejtim. Po sipas tij, ky program nuk ka asgjë edukative, por është veçse degjenerim, shthurje e perversitet. Mjaft i irrituar, ai thotë se COVID-19, nuk është asgjë para kësaj të keqeje kombëtare që po mbillet në ekranet tona.
Statusi
Kjo video qe po shikoni ,nuk eshte kamere e fshehte dhe aq me pak amatore….,eshte nje reality shoë ‘Aventurieret ‘ dhe shfaqet cdo te premte ne televizionin kombetar Top Channel !Nuk dua te merrem me TCh ,qellimin per te mbeshtetur nje shoë kaq te shemtuar dhe te rende ne cdo pikepamje….,degjenerim ,cthurje , perversitet .I drejtohem AMA-s institucioni i monitorimit te mediave audiovizive ! Ej njerez ! A keni familje?! A keni femije ?!A nuk jeni te shqetesuar per ardhmerine e tyre ?! Si mund te lejohet nje reality shoë kaq kriminal per edukimin e femijeve tane ,niperve e mbesave?!Kovid 19 nuk eshte asgje perpara kesaj te keqeje kombetare qe po mbillet neper ekranet tona , eshte pasqyre reale e jona ,dhe kjo fillon qe nga shkolla ,cikli 9 vjecar dhe me radhe…, ku cthurja dhe rrugaceria kane ndertuar modele te respektuara neper auditore…,keta qe shikoni ne kete reality shoë , neser do shfaqen ne rruge si “vipat ” e ardhshem. ” une jam ajo qe shkova me kater cuna njeheresh!…” Une jam ai djali gay qe dashurine time e shfaqa aty ne nete te tera dhe u kenaqa me kedo qe me dashuroi e adhuroi !” ” kurse une jam ajo qe ja grisa breket asaj goces dhe e kapa nga floket dhe e hoqa zvarre neper dhome , dhe po te mos ma kishin hequr nga duart e kisha vrare fare !” ” E une jam ajo qe ja zbertheva pantallonat atij djalit…dhe…dhe… ” ! Media e portale qe i promovojne per ca klikime pa menduar qe jane bashkeautor ne krim .AMA eshte pergjegjese direkte…,eshte alarm por me shume se alarm !Shkolla ,familja dhe shoqeria kane leshuar sinjalin SOS !Nqs nuk ngrihemi sot dhe te vendosim rregulla ,nqs nuk ngrihemi sot me alarmin e ligjshem prinderor per nje te ardhme te sigurt te femijeve tane…,neser do jete vone. Ti ose ajo apo kushdo do te jeni viktima te realitetit i cili do fitoj qytetarine shume shpejt….,Dhuna , cthurja ,terbimi ,degjenerimi dhe krimi ,do jene realiteti yne i ardhshem shoqeror . Shqiptare zgjohuni ! Per femijet tane ,per te ardhmen tone! Stop degjenerimit!
Pas këtij komenti, në heshtje nuk ka qëndruar programi që është akuzuar. Në profilin e tij zyrtar në Instagram, programi “Aventurierët” ia kthejnë se Llakaj vajton dashurinë e tij platonike me “Top Channel”. Në kundërpërgjigjen ndaj aktorit, programi shprehet se Agron Llakaj e ndjen konkurencën e audiencës. Po kështu shkruhet ndër të tjera se reality show transmetohet ne perputhje me të gjitha rregullat e censurimit, si dhe në orarin e pershtatshëm.
Statusi
“Ja si e vlereson ‘Aventurieret’ mjeshtri i madh i humorit Agron Llakaj, i cili akoma vajton dashurine e tij platonike me Top Channel 🤨. Fakti qe je ulur e ke shkruar gjithe kete ligjerate Z. Llakaj do te thote se paske ndjere renien e audiences ne mehallen tende 😉. Te ishte shprehur keshtu nje akademik i rritur mes librash, deri diku do ta kuptonim duke konsideruar shijen e tij te holle e klasike dhe papajtueshmerine me te folurit lirshem e ne zhargon. Por ju Z.Llakaj na befasuat vertete. Brezi yne (njezet vjecaret e sotem) kujtojme shume paster qe pa mbushur akoma 1 vjec, fale jush ne ekran filluam te belbezonim fjale “te thjeshta” banale. E keto vazhduam te degjojme per me shume se 20 vite te tjera nga *Zarbat e deri tek *Bajgat, derisa kuptuam se humori juaj nuk eshte gje tjeter vecse nje jashteqitje e nje truri te lodhur e pa asnje element fantazie. Gjithashtu, ju sqarojme se ky reality shoë transmetohet ne perputhje me te gjitha rregullat e censurimit si dhe ne orarin e pershtatshem. Gezuar dhe flm qe na ndiqni 🥂
