Dje u shua një tjetër ikonë e kinematografisë shqiptare, Rikard Ljarja. Aktori i mirënjohur mbylli sytë në moshën 77-vjeçare, pas një sëmundje të rëndë, në banesën e tij në Tiranë.
Amaneti i tij i fundit ishte që të prehet përjetësisht në Shkodër. Për shkak të situatës së rënduar nga koronavirusi vdekjeprurës, nderimet do të kryhen brenda një rrethi të ngushtë familjar.
Familja njofton miqtë dhe dashamirësit se ceremonia, për shkak të situatës së krijuar nga përhapja e Covid-19, do të jetë e ngushtë. Lamtumira e fundit do t’i jepet në vendlindje, në qytetin e Shkodrës, sipas amanetit të tij.
