Villareal është duke kaluar një nga sezonet më të vështira në vitet e fundit. Pavarësisht se në Europa League ndodhet në çerekfinale, në kampionat “Nëndetësja e verdhë” rrezikon të bjerë nga kategoria pasi ndodhet në vendin e 18-të. Një javë më parë ata ishin duke mposhtur Barcelonën me rezultatin 4-2, por nuk arritën të ruanin rezultatin në minutat e fundit, ku katalanasit barazuan.
Ndërsa shumë e dhimbshme ka qenë humbja përballë Betis, veçanërisht për Santi Cazorlan. Kur rezultati ishte 2-1 për Betis, Villareal kishte një shans ideal për ta barazuar, pasi në minutat e fundit fiton një penallti. Ishte Cazorla që merr përsipër ekzekutimin dhe e gabon atë.
https://youtu.be/8NLH5BW0wL8
Pavarësisht se ai u mbështet nga shokët e skuadrës, në fundin e takimit spanjolli e ka vuajtur shumë atë penallti. Cazorla është parë në korridorin e stadiumit pas ndeshjes duke qarë i vetmuar, pasi e ndjente fajin e atij 11-metrshi të humbur, duke ditur që tashmë çdo pikë është e vlefshme.
https://twitter.com/Cechque/status/1115123495640293376
