Kryeministri ende në detyrë i Kosovës, Ramush Haradinaj, ka ndarë me publikun lajmin e trishtë për humbjen e një prej miqve të tij më të mirë.
Përmes një postimi në Facebook, Haradinaj shprehet se Halim Haxhijaha ka kontribuar në zhvillimin ekonomik dhe hapjen e vendeve të reja të punës në Kosovë. Haradinaj përfundon statusin e tij duke i shprehur ngushëllimet familjes së të ndjerit.
Postimi i plotë:
Me pikëllim mora lajmin për vdekjen e z. Halim Haxhijaha, mikut tim dhe një nga njerëzit më punëtorë e më të devotshëm që kam takuar.
Baca Halim, si një afarist i njohur, arriti të kontrubuoi shumë në zhvillim ekonomik dhe hapjen e vendeve të reja të punës, jo vetëm në Rahovec por edhe në gjithë vendin.
Si një atdhetar i pashoq, baca Halim, ishte i zoti në punë, në familje dhe do të kujtohet përherë, për vlerat njerëzore dhe atdhedashurinë që e ndau me të gjithë ne.
Ngushëllime të sinqerta familjes, miqve dhe të gjithë atyre që e njohën bacën Halim!
