Ditën e sotme u raportua se një fëmijë 10 vjeç ishte dërguar në spitalin e Tepelenës i pajetë.
Babai i fëmijës tha se fëmija vuante nga migrena, kishte një ditë që ishte në gjendje gripale dhe kishte temperaturë të lartë, prandaj e kishin dërguar dhe në spitalin e Tepelenës.
Kishte një ditë me grip, vuante nga migrena. E dërgova në spital me temperaturë 39, por pas gjilpërës që i bënë në spital i ra temperatura në 36. E mora në shtëpi se ishte më mirë, i mora dhe ato ilaçe. Mjeku na tha ta dërgonim në spitalin Gjirokastrës për mjekim, por ne nuk e dërguam sepse ishte më mirë, fliste dhe në darkë hëngri dhe kos. Natën filloi të bëhej keq dhe në katër të mëngjesit u përkeqësua, vdiq në krahë e mi ndërkohë që po e dërgoja në spital, vdiq me kokën në shpatullën time, ka thënë babai i fëmijës për gazetaren.
Ndërkohë mjekja në spitalin e Tepelenës tha se fëmija kishte dy ditë në gjendje gripale dhe se ai vuante nga meningjiti dhe migrena.
Fëmija është marrë nga prindërit në gjendje të vetëdijshme, ia tha që ta dërgonin në spitalin e Gjirokastrës sepse këtu nuk kemi specialistë pediatër. Gjithashtu iu thamë se, po pati ndonjë komplikacion gjatë natës, të na telefononin dhe ne do t’i asistonim me ambulancë. Por prindërit janë paraqitur në mëngjes me fëmijën të vdekur, kur e sollën ai ishte pa shenja jetë, kishte mungesë frymëmarrje dhe pa puls”, tha mjekja
