Në kulmin e tij, në fillim të vitit 2012, biznesmeni brazilian Eike Batista, kishte një pasuri prej 35 miliardë dollarësh. Ai ishte më i pasuri në vend, dhe i shtati në botë.
Por vetëm një vit më vonë, e gjithë pasuria e tij avulloi. Madje në vitin 2014, Batista u kishte 1.2 miliardë dollarë borxh kreditorëve. Eike e trashëgoi biznesin nga i ati, që kishte qenë Ministër i Minierave dhe Energjisë.
Me kompaninë e tij, ai nisi tregtinë e arit dhe diamanteve, dhe u bë milioner që në moshën 23-vjeçare. Ai i ndau bizneset e tij në 5 kompani, dhe nisi të merrej edhe me kërkimin e naftës. Në vitin 2007, pretendoi se kishte zbuluar një vendburim prej qindra miliona fuçish. Ky lajm rriti ndjeshëm çmimin në bursa të aksioneve të kompanisë së tij. Por në realitet puset nuk kishin sasinë e naftës që shpresohej. Shumë shpejt vlera e kompanisë së tij ra në vetëm 5 dollarë.
Ai e falimentoi qëllimisht kompaninë e tij. Por autoritetet e akuzuan për parregullsi, dhe e dënuan me 13 vite burg. Moskthimi i borxheve, u pasua me 2 dënime të tjera, që çuan në një dënim total prej 30 vitesh. /Tirana Today
