Ekspertët që po merrem me vaksinën ndaj koronavirusit vdekjeprurës, mbeten me shpresë se vitin e ardhshëm do të dalë në treg.
Por para se të konkretizohet, shumë persona kanë dalë vullnetarë. Ka patur raste kur personat që e kanë aplikuar në trupin e tyre, kanë humbur jetën. Por nga ana tjetër, kërkuesit thonë se janë në rrugë të mbarë.
Imer Shehu nga Kosova, është një nga 10 000 vullnetarët që i është nënshtruar sot testit kundër Covid–19 në Britaninë e Madhe.
Në një intervistë për Deutsche welle (dw.shqip), Shehu thotë se motivi që e shtyu të behet pjesë e këtij eksperimenti është babai dhe xhaxhai i tij, që ndërruan jetë nga koronavirusi përpara disa muajsh. Ai ka treguar ndër të tjera se e ëma e tij është në luftë me jetën, dhe ky moment ka shërbyer si një pikë kthese për të.
“Të dy kanë qënë në gjendje fizike shumë të mirë. Sot që po flas me ju, nëna është duke luftuar me jetën. Kështu është shumë e vështirë që të shohësh prindërit e tu, që njeri të vdesë dhe tjetri të luftojë me jetën. Ky ka qënë momenti që vendosa të bëj diçka për këtë virus, që po na merr jetën qindra –mijëra njerëzve çdo ditë”, shprehet Shehu.
