Një grua ishte paraqitur në Qendrën Shëndetësore të Mamurrasit në Kurbin në gjendje të rënduar shëndetësore, me shenja gripale.
72-vjeçarja nga Mamurrasi, identiteti i së cilës ende nuk bëhet me dije, ka gjetur vdekjen mbrëmjen që lamë pas.
E moshuara nuk ka mundur të mbijetojë, dhe ka ndërruar jetë në qendrën shëndetësore, teksa bënte kontrollet, raporton “Panorama”.
Tashmë pritet përgjigja e analizave për të, pasi ka dyshime të forta se mund të jetë e prekur me koronavirus. Po ashtu dyshime ka edhe për të afërmit e të moshuarës.
