Kryeministri i Kosovës, Avdullah Hoti, shprehet se Vjosa Osmani nuk duhet të largohet nga Lidhja Demokratike e Kosovës.
Në një intervistë për RTV Dukagjini, Hoti theksoi se askush nuk duhet të largohet nga partia e tij.
“As anëtari më i thjeshtë nuk duhet të largohet nga LDK-ja, e lëre më Vjosa Osmani”, tha ai
Hoti ka kritikuar ashpër liderin e Vetëvendosjes, Albin Kurtin në raport me deklaratat për takimin në Ëashington. Ai thotë se Kurti ka qenë gjithmonë në anën e gabuar të historisë, në të gjitha proceset që ka kaluar Kosova.
“Ma gjeni një qytetar të vetëm në krejt Kosovën që mendon se në Shtëpinë e Bardhë mund të arrihet një marrëveshje që mund të jetë e dëmshme për Kosovën. Albin Kurti e ka komplet gabim. Ai e ka pasur gabim historikisht në ngjarje të tilla. Ai ka qenë gabim nga Rambujeja, Vjena, shpallja e pavarësisë e në të gjitha proceset e rëndësishme që ka kaluar Kosova. Edhe tash Kurti është në anën e gabuar të historisë”, tha ai.
