Kandidati i Lidhjes Demokratike të Kosovës për kryeministër, Avdullah Hoti ditën e sotme ka prezantuar programin qeverisës për rajonin e Prishtinës.
Gjatë fjalës së tij, ai premtoi mbështetje për bizneset që hapin vende të reja pune.
Ai u shpreh se në Prishtinë do të kalojnë të gjitha autostradat që lidhin Ballkanin dhe se kryeqyteti do të bëhet edhe kryeqendër e rajonit dhe e referencës për siguri dhe stabilitet të Ballkanit.
Avdullah Hoti: “Në vizionin tonë dhe me projektet konkrete tashmë të siguruara nga qeverisja e Lidhjes Demokratike e Kosovës Prishtina do të shndërrohet jo vetëm në kryeqytet modern por në qendër administrative të arsimit, kulturës, rinisë dhe sportit, dhe në nyje, mbi të gjitha në nyje rajonale të zhvillimit ekonomik dhe teknologjik. Nëpër Prishtinë do të kalojnë të gjitha autostradat që lidhin Ballkanin dhe përtej Prishtina do të jetë nyje lidhëse për hekurudhat modern të rajonit dhe më gjerë, Prishtina do të bëhet kryeqendra e rajonit, pikë e referencës për siguri dhe stabilitet të Ballkanit”
