Ish-ministri i Brendshëm, Sandër Lleshaj, me anë të një shkrimi të shpërndarë në rrjetin social, ka renditur tre arsye, të cilat sipas tij kanë çuar drejt ndarjes së Shqipërisë nga kanabisi.
Lleshaj reflekton me anë të shifrave, atë që e cilëson si një ndryshim të situatës. 2020-ta për të, shënon vitin me minimumin e sasisë së kanabisit të trafikuar drejt Italisë nga Shqipëria: 37% më pak nga 2019.
Këtë sukses të cilën e konsideron historik, Lleshaj e argumenton me anë të tre arsyeve mjaft themelore. Bëhet fjalë për vullnetin politik, angazhimin e fortë policor e bashkëpunimin ndërkombëtar ku spikat ai me Italinë fqinje.
Ish-ministri sjell në vemendje operacionin e sotshëm në Vlorë. Ai shprehet se operacioni i SHÇBA-së dhe PSH në Vlorë, ku u shkatërrua një rrjet prej 41 personash, përfshirë edhe punonjës të policisë, tregon se jemi në rrugë të mbarë.
Statusi
Ndarja e Shqipërisë nga kanabisi
Sot Italia konfirmoi një arritje të madhe të Shqipërisë. 2020-ta shënon vitin me minimumin e sasisë së kanabisit të trafikuar drejt Italisë nga Shqipëria: 37% më pak nga 2019.
Arsyet e këtij suksesi historik gjenden tek shumë faktorë, ku po veçoj:
- Vullneti i paepur politik;
- Angazhimi i fortë policor;
- Bashkëpunimi ndërkombëtar, ku spikat ai me Italinë.
Operacioni i sotëm i SHÇBA-së dhe PSH në Vlorë, ku u shkatërrua një rrjet prej 41 personash, përfshirë edhe punonjës të Policisë, është vetëm një shembull që tregon se përse kemi arritur tek ky sukses që duhet të bëjë krenar të gjithë ata që kanë luftuar për këtë qëllim madhor.
Faleminderit Italisë për pjesëmarrjen në këtë fitore të rëndësishme.
