Fondacioni “Fundjavë Ndryshe” në bashkëpunim me emisionin investigativ “Stop” bënë publike në 25 qershor të këtij viti gjendjen e mjerueshme të familjes Korini, një familje e cila jetonte në një shtëpi me qira, kushtet e të cilës u rrezikonin shëndetin.
Pas fushatës sensibilizuese që rezultoi pozitive, familja Korini është zhvendosur nga Delvina në Fier. Ata tanimë do të banojnë në një kompleks të ri pallatesh, që quhet “Apollon”.
Historia e tyre e dhimbshme preku jo pak shqiptarë, të cilët reaguan menjëherë, duke kontribuar për Elsën dhe Elidonin. Para 4 vitesh, babai i tyre ndërroi jetë prej një sëmundje në mushkri. Duke i lënë në mëshirë të fatit, pasi edhe Elvira Korini mamaja, në njërin sy ka humbur plotësisht shikimin.
Në dallim nga hera e parë kur u prezantua historia e kësaj familjeje, dy fëmijët nuk shfaqen më me lot në sy, por të gëzuar dhe falenderues.
Elvira, kryefamiljarja, falenderoi të gjithë shqiptarët që i erdhën në ndihmë.
“Falenderoj të gjithë ata që kanë menduar për ne. Falenderoj Arbrin, stafin dhe të gjithë ata brenda dhe jashtë Shqipërisë që kanë menduar për mua dhe dy fëmijët e mi jetimë. Nuk e kam besuar ndonjëherë… Atje kam vuajtur për copën e bukës”.
“Më dridhet zemra kur më shajnë për babin e vdekur”, lutja e dhimbshme e 8-vjeçares
