Artistët dhe aktorët vijojnë qëndresën e tyre, duke protestuar kundër shembjes së Teatrit Kombëtar. Ditën e sotme aktori Neritan Liçaj ka denoncuar se gjatë natës janë hequr germat “Teatri Kombëtar” në ballinën e ndërtesës.
Me anë të një postimi në Facebook, bashkëngjitur me foton Liçaj paralajmëron ashpër se as mos t’u shkojë mendja të finalizojnë shembjen, ndërkohe që premton se këto germa do të vendosen të arta, por në atë kohë, sipas tij, urdhëruesit dhe realizuesit e planit për shembjen e Teatrit Kombëtar do të jenë në burg.
Postimi i Liçajt:
Gjate nates,ne pritje te kesaj dite te bukur,jane hequr germat ne ballinene e TEATRIT KOMBETAR,sic e shihni dhe nga fotografite.Perballe eshte ministria e rendit dhe ka edhe kamera sigurie.
I sigurojme ata qe e kane bere,pra citjanen dhe fiqshitesin,se veprime te ulta prej zhulcash lagjeje as na e levizin qerpikun fare!Po te ishte se do kishit kurajon(qe nuk e keni),per te ardhur te prishnit teatrin sdo pyesni per germat.
Por doni te prodhoni lajm per te fshehur ndone pisllek ditor mbase,(te tilla puslleqe ju keni nga 3-4 cdo dite),ose doni ti jepni jehone perversitetit tuaj zhulcor,te tipit,ne rikonstruktojme piramiden e pushtetit te varrosur dhe tentojme te rrezojme tempujt e fjales se lire dhe artit sic jane teatrot!Kesaj gjeje ju sdo ia arrini kurre dhe kete e dini ju shume mire sic e dime ne ca me mire se ju.Vetem kur e cuat neper mend ta benit jua shtypem koken,imagjinoni te tentoni ta beni si do perfundoni!
Por xhulaca lagje te lodhur(te tille e shfaqni veten me keto veprime),te pakten perpiquni te kaloni ne nje stad me te lart se uji i Lanes.
THJESHT PROVOJENI.
P.s. keto germa kur ta rikonstruktojme do i vendosim te arta dhe ka shune gjasa qe ju te jeni ne burg ate ditr,por ne,si shume te mire qe jemi,do ju dergojme nje kartoline per nderin qe na bete duke e kthyer kete teater ne dinjitetin e ballines me GERMA TE ARTA….TEATRI KOMBETAR….suksese ne gropen tuaj politike.????
Për këtë ngjarje të ndodhur gjatë natës ka reaguar edhe “Aleanca për mbrojtjen e Treatrit”:
“Godinës së Teatrit Kombëtar sot natën, si hajdutë ordinerë, i kanë zhveshur gërmat. Është turp dhe mjerim i madh që jemi katandisur të qeverisemi nga njerëz që pronën publike dhe pasuritë kombëtare i shohin veç si mall që duhet grabitur në funksion të pasurisë së tyre. Turp!” – shkruhet në postimin e Aleancës për Mbrojtjen e Teatrit, bashkëngjitur fotos të godinës së Teatrit.
