Pak minuta më parë ka patur hedhje gazi lotsjellës brenda selisë së PD-së, ndërkohë që brenda saj janë futur mbështetës të Berishës, të cilët po thyejnë xhamat e selisë dhe të makinave që ndodhen të parkuara aty.
Në lidhje me situatën kaotike, një reagim ka ardhur nga ana e Policisë së Shtetit, ku ka mohuar përplasjen me mbështetësit e Berishës.
“Sqarojmë opinionin publik se asnjë nga strukturat e Policisë së Shtetit, të angazhuara për garantimin e rendit dhe sigurisë, nuk është përfshirë në asnjë veprim dhe nuk ka hedhur asnjë send të kundërligjshëm në selinë e Partisë Demokratike, gjatë protestës që është duke u zhvilluar.
Policia e Shtetit është tërësisht e angazhuar për të garantuar rendin e sigurinë, dhe u bën thirrje qytetarëve që të distancohen nga çdo akt dhune apo prishje e rendit dhe sigurisë, pasi do të përballen me forcën e ligjit”, konfirmon policia.
