Një ngjarje tragjike ndodhi sot në Vlorë, në lagjen “Pavarësia”. Një nënë e re u hodh nga pallati së bashku me të birin, ku gjetën dhe vdekjen.
Pamela Mërtiti 34-vjeç jetonte në Tiranë, por ditët e fundit kishte shkuar në Vlorë bashkë me fëmijën 1-vjeç te i ati, i cili ishte mjek, Viron Mërtiri.
Por si duket në familje ka pasur një konflikt, dyshohet divorci nga burri që ka agravuar situatën duke shtyrë 34-vjeçaren të marrë vendimin ekstrem, raporton “ABC”. Ndodhur në një gjendje të rëndë, 34-vjeçarja është hedhur nga pallati së bashku me fëmijën.
Një banor i lagjes i tha gazetarit të “ABC” se pavarësisht ndihmës nga një qytetar që e dërgoi me shpejtësi, fëmija e dha frymën e fundit në spital. Gjithashtu edhe nëna e cila u transportua me ambulancë, ndërroi jetë në spital.
Policia ka dhënë informacionin zyrtar për ngjarjen e rëndë. “Sot më datë 26.11.2021, rreth orës 12:30, në lagjen “Pavarësia 2″, shtetasja P. M., 34 vjeçe, dyshohet se është hedhur së bashku me fëmijën e saj të mitur K. N., 1 vjeç, nga sheshpushimi i katit të një pallati dhe për pasojë kanë ndërruar jetë. Në vendngjarje ndodhet grupi hetimor, dhe po punon për zbardhjen e plotë të rrethanave të ngjarjes”, njofton policia.
