“Nëse nuk tërheq trupat nga Iraku, do t’i ktheni me arkivole”, kështu ka kërcënuar SHBA-në lideri i Hezbollah Hassan Nasrallah pas tensioneve të shtuara javën e fundit në Lindjen e Mesme.
Për më tepër, lideri i Hezbollah ka kërcënuar dhe Izraelin. Ai ka deklaruar se çdo sulm ndaj Iranit do të pasohet me një hakmarrje ndaj popullit izraelit.
Deklaratat e ekstremistit u bënë gjatë një ceremonie përkujtimore për gjeneralin iranian Qasem Soleimani i cili u vra nga forcat ajrore të SHBA në Baghdad.
“Të gjitha bazat amerikane në Lindjen e Mesme janë brenda rrezes së raketave të sakta të Iranit. Sulmi në bazat amerikane është gjithashtu një mesazh i fortë për entitetin zionist, që gjithmonë planifikon të” luajë “me Iranin. Netanyahu gjithmonë ëndërron të dërgojë forcën e tij ajrore për të sulmuar infrastrukturën ose objektet bërthamore në Iran. “- shtoi Nasrallah.
