Hetuesit, pasi kanë analizuar pamjet filmike të vjedhjes në Rinas, kanë ngritur dyshime se një prej tyre është ish-komando. Për të realizuar grabitjen e parave në pistën e Rinasit mesditën e 9 Prillit, dyshohet se Admir Murataj ka bashkëpunuar më ish-komando të ushtrisë.
Bëhet fjalë për grabitësin që qëndron në krah të Admir Muratajt. Ekspertët i kanë shtuar dyshimet mbi ish-komandon, nisur nga lëvizjet e tij. Ai mban pozicion trupor dhe armën në mënyrë të ngjashme me ato të forcave speciale të ushtrisë.
Nuk është e qartë nëse komandoja është përfshirë në shkëmbimin e zjarrit me Forcat e Ndërhyrjes së Shpejtë, ku mbeti i vrarë Murataj. Burime nga grupi hetimor i thanë ‘Televizionit Klan’ se vetëm 2 nga 5 grabitësit kanë përdorur armët.
Në vendin e ngjarjes janë gjetur 10 gëzhoja kallashnikovi, të qëlluara nga dy armë të ndryshme. Ndërsa Admir Murataj rezulton të jetë qëlluar vetëm me 1 plumb, i cili i ka hyrë në syrin e majtë dhe ka dalë pas kokës.
Grabitja në Rinas/Krimet e Rënda kërkesë bankave për shumën e marrë
