Ish-ministri i Drejtësisë, Ylli Manjani, ka reaguar lidhur me lëvizjen e Jorida Tabakut e cila i është drejtuar SPAK-ut. Nënkryetarja e Partisë Demokratike, Jorida Tabaku, u paraqit mëngjesin e sotëm në selinë e SPAK. Ajo ka shkuar në SPAK për të takuar kryetarin Arben Kraja, pasi kjo strukturë e posaçme anti-korrupsion nuk e ka thërritur.
Ja se çfarë shkruan Ylli Manjani
Më vjen mirë që Jorida Tabaku dhe familja e saj përfitojnë nga lejet e ndërtimit në Tiranë.
Pse jo xhanëm?!
Por Jorida, dmth e njëjta që përfiton nga lejet e Erion Velisë, nuk mund të pretendojë të jetë edhe hetuese e Erionit.
Siç thotë edhe Yuri, nuk funksionon kështu!
Ndaj duhet ta ndajë mendjen ose me leje-Erionin e Sude-pushtetit, ose përballë tij.
Po i them Joridës se Luli është me Suden. Ka kohë që është…
Kryetarja e Komisionit Hetimor për Inceneratorët, ka folur pas takimit me kreun e SPAK Arben Kraja.
“Komisioni Hetimor është në 5 ditët e tij të fundit. Sot nisim dëshmitë me dëshmitarët politikë.
Jemi drejt fundit, e siguruam për gjithë angazhimin që ti shkojmë kësaj çeshtje deri në fund, për ti vendosur gjithë informacionin dokumetet që do ketë dhe raportin përfundimtar, për t’u siguruar dhe konfirmuar që puna e Komisionit është në mbështetje të SPAK për të nxitur SPAK, e në asnjë moment në mbivendosje të detyrave të SPAK.
Ne do bëjmë atë që Parlamenti na ka mandatuar, ne do hetojmë këdo që ka përgjegjësi. Për të sjellë këtu dokumentet zyrtare që janë pjesë e hetimit, të tjerat duhet ti beje SPAK.
Sigurova që deri më sot s’ka asnjë mbivendosje të punës së Komisionit Hetimior, s’ka asnjë cenim të kompetencave tona, po mbështesim SPAK në punën e tij duke bërë provat transparente për publikun dhe duke i lehtësuar punën SPAK”, tha Tabaku për mediat.
