Kryetari i Partisë Demokratike, Lulzim Basha ironizoi me hetimet e FBI-së ndaj Nik Muzin në lidhje me lobimin për Partinë Demokratike. Në një deklaratë për median pas mbledhjes së PD-së, Basha deklaroi se në media flitet se po heton FBI-ja, kryedemokrati shtoi se në Amerikë as Presidenti nuk ka informacion kur heton FBI-ja dhe jo më të kenë mediat tek ne.
Gjithashtu, Basha pohoi se partia që ai drejton i ka bërë të qarta si drita e diellit për të gjitha paratë që ka dërguar për lobim.
Lideri i PD-së e mori të mirëqenë hetimin dhe tha se nëse është e vërtetë që po hetohet le të presim rezultatet e hetimit të FBI-së.
Pak ditë më parë në media u publikua lajmi së lobisti e Partisë Demokratike, Nikolas David Muzin, i njohur si Nik Muzin po hetohet nga Byroja Federale e Hetimit në Shtetet e Bashkuara të Amerikës për të gjithë procedurën dhe nga kanë ardhur paratë për lobimin.
Hetimet kanë nisur pas informacioneve për burime financiare ruse që shkonin në një rrjet kompanish si pagesë për lobistët, që një vit më parë ndihmuan edhe Partinë Demokratike të Shqipërisë(lajmin e plotë lexoje këtu).
“Partia Demokratike i ka bërë të qarta si drita e diellit për të gjitha paratë. Gjithë kjo që po behët është për të hequr vëmendjen nga droga në Maminas dhe lirimi i Saimir Tahirit. Kemi të dhëna jashtëzakonisht shqetësuese. Flitet se po heton FBI-ja, në Amerikë as Presidenti nuk ka informacion kur heton FBI-ja dhe jo më të kenë mediat tek ne. Por meqenëse thuhet kështu le të presim hetimet e FBI-së,” deklaroi Basha.
