Shkon në dhjetë numri i të dyshuarve për vrasjen e 20 vjeçares Caroline Crouch në Glyka në lagjen Glika Nera të Athinës në syrin e foshnjes së saj. Një artikull i publikuar sot në gazetën “The Sun” në lidhje me vrasjen e Caroline nga grabitësit në shtëpinë e saj , thotë se policia ende nuk ka arritur të gjejë autorët edhe pse kanë kaluar disa javë nga vrasja që tronditi Greqinë.
Raporti i cili mban foton e nënës së re, ka një rrëfim të bashkëshortit të së ndjerës i cili thotë se “Policia dështoi, shpresat po zbehen”. Ndërsa eksperti Apostolos Lytras thekson se nuk ka shumë prova për të çuar drejt zbardhjes së ngjarjes. “Asnjë mostër e ADN-së ose gjurmët e gishtërinjve nuk u gjetën, gjë që nuk e ndihmon kërkimin pasi nuk ka shumë prova. Diçka nuk shkon”, është shprehur ai.
Gazeta britanike raporton gjithashtu se autoritetet janë përqendruar në dhjetë kriminelë të dyshuar nga vende të ndryshme. “Është një rast i dyshimtë. Do të na duhen më shumë sesa e kishim menduar për të gjetur autorët”, tha një oficer i policisë greke.
Ngjarja
E reja u vra nga grabitësit që u futën në shtëpinë e saj, ku jetonte me bashkëshortin dhe vajzën e tyre të vogël. Ngjarja ndodhi disa minuta pas orës 05:00 mëngjesit fatal të 11 majit. Në fillim u duk sikur u arrit në gjetjen e disa indiktatorëve që mund të zbulonin ngjarjen. Mediat greke dhanë pamjet e kamerave të zonës ku dukej një makinë e errët kalon në orën 05:07 të mëngjesit të së martës 11 maj dhe katër minuta më vonë, në 05:11, kalon motori, drejtuesi i të cilit duket se ka veshur një xhup me kapuç. Por ky material nuk ka dhënë ende ndonjë detaj për të bërë të mundur zblumin e autorëve.
Caroline Crouch ishte zhvendosur në Athinë pasi ishte martuar me pilotin e helikopterit Charalambos ‘Babis’ Anagnostopulos. Çifti ishte takuar në ishullin Alonissos ku ajo u varros muajin e kaluar
