Zbardhen më shumë detaje në lidhje me helikopterin ushtarak kanadez që u zhduk nga radarët dy ditë më parë.
Kryeministri kanadez, Justin Trudeau bën me dije se një person nga ekipi i ushtarëve ka vdekur, ndërsa pesë të tjerë nuk janë gjetur akoma.
“Ne shpresojmë të gjejmë të zhdukurit,” tha ai.
Gjenerali Jonathan Vance, zyrtari i lartë ushtarak i Kanadasë, tha që e humbën kontaktin me ekuipazhin të mërkurën në mbrëmje. Ai njoftoi se ishte gjetur trupi i Abbigail Cowbrough, një vendase e Nova Scotia, vetëm 23 vjeçe.
“Unë jam i dëshpëruar. Nuk ka fjalë. Më bëre përgjithmonë krenar. Unë do të të dua gjithmonë, dhe do të më mungosh në çdo moment”, shkruan babai i saj, Shane Cowbrough, në Facebook.
Helikopteri i cili ishte në një operacion stërvitjeje për NATO-N, u rrëzua mbrëmjen e së të mërkurës në det mes Greqisë dhe Italisë.
