Merkel diskuton lehtësimin e masave, ja çfarë thotë për udhëtimet

Kancelarja gjermane, Angela Merkel është shprehur se çështja e lejimit të udhëtimit brenda Evropës nuk është ende në rendin e ditës.

Merkel zhvilloi një videokonferencë me kryeministrat e landeve gjermane, në lidhje me lehtësimin e kufizimeve të vendosura për frenimin e përhapjes së koronavirusit.

”Muzetë, kopshtet zoologjike dhe ekspozitat në të gjithë Gjermaninë do të rihapen, së bashku me shkollat fillore në shtetin më të populluar të West Rhine Westphalisë”, tha ajo.

Gjermania është një nga vendet me më pak viktima nga COVID-19, në raport me popullsinë. Vendi regjistron më shumë se 163 mijë raste infektimi dhe vetëm 6,623 viktima. Ndërkohë që Franca e cila regjistron 167 mijë raste infektimi, numëron mbi 24 mijë viktima, pra 4-fishi i Gjermanisë.

Gjermania renditet e gjashta tashmë si vendi më i prekur nga koronavirusi në botë, pas SHBA-ve, Italisë, Spanjës, Mbretërisë së Bashkuar dhe Francës.