Ministrja e Mbrojtjes Olta Xhaçka, gjatë vizitës së në Gardën Kombëtare të Nju Xhersit, firmosi marrëveshjen me Departamentin Amerikan të Mbrojtjes për marrjen e disa helikopterëve të tipit “Black Hawk”.
Xhaçka, u prit nga komandanti, gjeneral brigade Jemal J. Beale, ndërsa e vlerësoi këtë si një ndihmë të jashtëzakonshme që i jepet Shqipërisë.
“Mbështetja që Shtetet e Bashkuara i kanë dhënë Shqipërisë përmes paketës të suportit, jo vetëm modernizon kapacitetet tona por rrit edhe gatishmërinë dhe operacionalitetin e Forcës tonë Ajrore”, tha ministrja Xhaçka.
Këtë verë, pilotët dhe teknikët e Forcës Ajrore shqiptare do të nisin trajnimin për përdorimin e helikopterëve “Black Hawk” në Gardën Kombëtare të Nju Xhersit, e cila do të kujdeset gjithashtu, edhe për mirëmbajtjen e këtyre mjeteve fluturuese.
