Kandidatja për kryetare e Partisë Demokratike, Edith Harxhi deklaroi se kishte informacione të sigurta se kryedemokratit Lulzim Basha, i është refuzuar viza nga Shtetet e Bashkuara të Amerikës.
E ftuar në emisionin “Zonë e lirë”, Harxhi tha se ky informacion vjen nga burime shumë të sigurta, pavarësisht se Basha nuk e ka pranuar diçka të tillë.
Ndër të tjera, Harxhi u shpreh e habitur pse kanë shpallur ish-kryeministrin Sali Berisha ”non grata’’ dhe jo Bashën.
Edith Harxhi: “Po, po, është e vërtetë. E kam informacion të sigurtë. Ju e keni parë dhe vetë. Nuk ju ka ardhur habi që ai nuk po shkon më në Washington, nuk e keni pyetur veten? Sepse i është refuzuar viza. Madje habitem pse s’ka ndodhur e kudërta, pse s’e kanë shpallur non-grata. Nuk do të çuditesh nëse kjo gje do të ndodhte.”
