Kryeministri në largim i Kosovës, Ramush Haradinaj, me rastin e festës së Kurban Bajramit, e ka nisur ditën me oficerët e Policisë së Kosovës.
Këtë mëngjes, Haradinaj u ka shpërndarë një grupi policesh ëmbëlsira dhe kafe. Po ashtu, ka uruar të gjithë besimtarët myslimanë duke përcjellë mesazhin e kësaj feste, që është solidariteti dhe shtrirja e dorës për nevojtarët.
“Solidariteti dhe mirësia ndaj njëri tjetrit, e çon vendin përpara. Kjo vlerë e jona, duhet të ruhet dhe në këtë ditë feste për Bajramin e Vogël, ky është urimi që ndava bashkë me kolegët, në vizitën që i bëmë Bashkësisë Islame të Kosovës, ku u pritëm nga Reshat Mexhiti zevendeskryetar i BIK.
Gjithë vëllëzërve dhe motrave shqiptare, besimtarëve të fesë Islame, uroj që t’u shpërblehet sakrifica që kanë bërë për njëri tjetrin dhe për njerëzit në nevojë. Me fat!.”
