Kryetari i AAK-së Ramush Haradinaj përgjatë një interviste në “T7”, deklaroi se mënyra se si është sjellë Albin Kurti me partnerin e tij të koalicionit, LDK-në, është jashtë çdo logjike.
Sipas Haradinaj, asnjë kryeministër në botë nuk i bën veprimet e Kurtit.
Lideri i AAK-së theksoi se Kurti dëshiron të nënshtrojë të tjerët.
“Edhe gjatë negocimit për koalicion, është parë se zoti Kurti dëshiron vetëm diktat dhe nënshtrim. Me shkarku nivelin më të lartë politik, me e shkarku njeriun e parë pas Isa Mustafës edhe me një sms me e njoftu, këtë nuk bën asnjë kryeministër në botë.
Nuk është fuqi kur rrëzohesh vet, por kur e rrëzon tjetër. Unë kam shkarku disa ministra, por vet nuk jam rrëzuar”, tha Ramush Haradinaj në emisionin “Frontal” në “T7”.
