Ambasadorja e SHBA-ve në Shqipëri, Yuri Kim ka zhvilluar sot një takim me ministrin e Turizmit, Blendi Klosi.
Përmes një postimi në Twitter, Kim tregon se ata kanë diskutuar në lidhje me hapjen e sezonit turistik në kushtet e pandemisë.
Ambasadorja shprehet se mezi pret që të vizitojë Shqipërinë dhe vendet e saj historike.
“Pata një bashkëbisedim të mirë ditën e sotme me Ministrin e Turizmit Blendi Klosi në lidhje me hapjen e turizmit në Shqipëri, Maqedoninë e Veriut, Mali i Zi dhe Kosovë. Mezi po pres të udhëtojë nëpër Shqipëri dhe të shoh vetë vendet historike dhe kulturore si dhe të takojë njerëzit e mrekullueshëm. Shqiptarët janë mikpritësit më të mirë në botë”, shkruan ajo në postimin e saj.
Kujtojmë se ende nuk është publikuar një plan nga qeveria lidhur me mënyrën se si dhe kur do të bëhet hapja e turizmit në vend.
https://twitter.com/USAmbAlbania/status/1263190473239408641
