Ditën e sotme transporti publik në Tiranë ka rifilluar punën ndërkohë së fundmi eksperti i Institutit të Shëndetit Publik, Erion Dasho ka bërë një “rekomandim urgjent”.
Ai iu bën thirrje “personave me moshë 65 vjeç dhe/ose atyre të prekur nga sëmundje kronike të evitojnë me çdo kusht transportin publik deri sa të krijohet bindja se ky sistem do të zhvillohet i sigurt”.
Reagimi i tij i plotë:
“Rekomandim urgjent!
Me hapjen e transportit publik dhe fotot që qarkullojnë në rrjet ku udhëtarët qëndrojnë ngjitur dhe pa maska, i rekomandoj personave me moshë mbi 65 vjeç dhe/ose atyre të prekur nga sëmundje kronike të evitojnë me çdo kusht transportin publik deri sa të krijohet bindja se ky sistem do të zhvillohet i sigurt!
Mbajtja e maskës nga ju vetë nuk mjafton dhe nuk ofron mbrojtje të mjaftueshme nëse të gjithë pasagjerët në mjet nuk respektojnë distancimin fizik dhe mbajtjen e maskave.
Mbroni veten!”
