Lidhur me hapjen e sezonit turistik në Shqipëri, kryeministri Edi Rama ka bërë një njoftim të rëndësishëm.
Përmes një postimi në rrjetin social Facebook, Kreu i Qeverisë njofton se tashmë në e-Albania mund të aplikohet për “ushtrimin e veprimtarisë si stacion plazhi”.
Kjo, sipas Ramës bëhet për të garantuar sa më shumë siguri në mbrojtjen e shëndetit dhe për të mos lejuar më zaptimin e plazheve.
“Subjektet akomoduese apo shërbimi duhet të aplikojnë në e-Albania për marrjen në përdorim të hapësirës së plazhit përgjatë gjithë sezonit 2020, duke marrë përgjegjësi për zbatimin e rregullave dhe mosshmangur asnjë detyrim ndaj qytetarëve, bashkisë, shtetit”, shkruan kryeministri.
Postimi i plotë i tij: “Në e-Albania ? https://e-albania.al/, aplikim për ushtrimin e veprimtarisë si stacion plazhi, PËR TË GARANTUAR SA MË SHUMË SIGURI NË MBROJTJEN E SHËNDETIT DHE PËR TË MOS LEJUAR MË ZAPTIMIN E PLAZHEVE QË PËR 30 VJET U KA NXIRË PUSHIMET NJERËZVE TË KËTIJ VENDI.
? Subjektet akomoduese apo shërbimi duhet të aplikojnë në e-Albania për marrjen në përdorim të hapësirës së plazhit përgjatë gjithë sezonit 2020, duke marrë përgjegjësi për zbatimin e rregullave dhe mosshmangur asnjë detyrim ndaj qytetarëve, bashkisë, shtetit.
Aplikimi është i thjeshtë dhe mund të bëhet edhe nga telefoni?
? Një sistem i ri këtë vit, që siguron transparencë, shmang zvarritjet po edhe allishverishet e të shkuarës dhe garanton paprekshmërinë e plazheve publike.
Ndiqni videon e mëposhtme me të gjitha sqarimet e nevojshme!?
Zero kosto, zero ecejake, zero rryshfet!
Me https://e-albania.al/, sezon të mbarë turistik”.
