Ministri i Turizmit dhe Mjedisit Blendi Klosi gjatë një takimi me bizneset në Vlorë tregoi se si do funksionojë hapësira e plazheve dhe kushtet që duhet të plotësojnë hotelet.
Ashtu siç ishte njoftuar më herët, plazhet do të hapen më 1 Qershor, ndërkohë Klosi bëri një paralajmërim të fortë lidhur me këtë zhvillim.
Ai i mëshoi faktit se ato biznese që nuk do respektojnë protokollin e caktuar nga Ministria e Shëndetësisë, do të ndëshkohen me gjoba shumë të forta deri në sekuestrim të shezlloneve dhe heqje të licencës.
Në vijim, ministri pohoi se një lajm i mirë për bizneset është fakti se sezoni turistik do të shtyhet deri më 15 Nëntor, që të kompensohet koha e humbur nga pandemia:
“Për të zëvendësuar kohën e humbur… ditët e Marsit, Prillit, Majit, me kërkesë dhe të operatorëve turistikë do të shtyjmë sezonin deri në 15 Nëntor në mënyrë që dhe ju të keni mundësi të paguani faturat dhe taksat”.
