Ministri për Evropën dhe Punët e Jashtme, Gent Cakaj ka folur në lidhje me takimin e zhvilluar ditën e djeshme mes vendeve të Vishegradit dhe Ballkanit Perëndimor.
Përmes një postimi në Facebook, Cakaj u shpreh se ky takim konfirmoi mbështetjen absolute të vendeve të Vishegradit për hapjen e negociatave të Shqipërisë.
Sipas tij, në këtë takim u diskutua gjithashtu edhe për hapa konkret në shërbim të ndërlidhjes infrastrukturore, bashkëpunimit në fushën e energjetikës, sigurisë dhe politikave të mjedisit.
Postimi i plotë:
Sot, në Pragë, u zhvillua takimi i frytshëm i vendeve të Vishegradit dhe Ballkanit Perëndimor.
Takimi konfirmoi edhe një herë mbështetjen absolute të vendeve të Vishegradit për fillimin e menjëhershëm të negociatave për anëtarësim të Shqipërisë në BE !
Për më shumë, në këtë takim u diskutuan edhe hapa konkret në shërbim të ndërlidhjes infrastrukturore, bashkëpunimit në fushën e energjetikës, sigurisë dhe politikave të mjedisit. Kjo platformë partneriteti është në shërbim të zhvillimit të rajonit dhe procesit të integrimit evropian në përgjithësi!
