Faqja zyrtare e kryetarit të Bashkisë së Gramshit, Klodian Taçe është hakeruar dhe kjo ka ndodhur pas incidentit të ndodhur në uzinën e përpunimit te armëve, ku tre shtetas të huaj tentuan të futen në ambientet e brendshme. Kryebashkiaku përmes një njoftimi shkruan se po mundohet që të rimarrë kontrollin e faqes që iu është marrë nga persona anonim. Po ashtu, ai kërkon nga qytetarët që të shmangin çdo mesazh dhe komunikim që iu vjen nga faqja e tij e vjetër. Klodian Taçe thotë se tashmë komunikimet zyrtare do të bëhen publike te profili i tij personal ose të faqja e Bashkisë së Gramshit.
“Përshëndetje të gjithëve!
Prej ditës së sotme, ”Klodian Taçe-Faqja Zyrtare” është vjedhur (hacked) nga persona anonim. Deri në momentin që do arrijmë t’ë rimarrim kontrollin e faqes, të gjitha komunikimet zyrtare, do publikohen te profili im personal dhe te faqja e Bashkisë Gramsh.
Për të evituar çdo keqkuptim ju lutem të shmangni komunikimet dhe mesazhet nga messenger-i i faqes ”Klodian Taçe – Faqja Zyrtare ”
Faleminderit!”.
Në seancën e cila zgjati për rreth dy orë, Gjykata e Elbasanit ka pranuar kërkesën e Prokurorisë dhe ka caktuar masën “arrest me burg” për dy rusët si dhe ukrainasin. Ndaj tyre rëndojnë akuzat për veprat penale “sigurimi i informatave”, kryer në bashkëpunim si dhe “goditje për shkak të detyrës”.
Nga kqyrjet paraprake të pajisjeve elektronike, thuhet në dosjen e Prokurorisë, kanë rezultuar të dhëna me rëndësi për hetimit që lidhen me fotografi të objekteve të ndryshme ushtarake dhe objekteve të infrastrukturës kritike civile në gjendjen aktuale.
