Mëngjesin e sotëm është grabitur një banesë në Krujë. Autorët kanë marrë 5 mijë euro dhe orenditë. Pronari i banesës Besnik Elezi, emigrant në Greqi, ka qenë para një jave ku ka sjellë disa materiale, vegla pune dhe orendi me vlerë, pasi po ndërton shtëpi të re dhe me pas është kthyer sërish në vendin fqinj.
Kjo ka ngritur dyshime sipas familjarëve, të cilët mendojnë se grabitësit kanë pasur dijeni për të gjitha lëvizjet. Kanë marrë thuajse çdo gjë me vlerë, mobilje e vegla pune, ndërsa kanë dëmtuar pjesën tjetër duke kërkuar para, raporton ‘Ora News’.
