Koordinatori i partisë ‘Bindja Demokratike’, njëherësh ish-nënkryetari i Partisë Demokratike, Astrit Patozi, duke iu përgjigjur thashethemeve thotë se nuk është aspak surprizë që Meta të bëhet kryeministër dhe Basha president.
Kujtojmë këtu se pak ditë më parë, kryedemokrati Basha, në një intervistë në emisionin “Opinion” në Tv Klan u pyet edhe për raportet me presidentin Ilir Meta.
Po kështu dhe për lajmet që kanë qarkulluar në media se ky i fundit mund të lerë zyrën e Kreut të Shtetit, për t’u bërë ministër apo kryeministër pas zgjedhjeve. Kreu i opozitës u shpreh se Meta ka justifikuar detyrën e tij të lartë, dhe ka mbrojtur Kushtetutën.
Statusi
META SI KRYETAR OPOZITE, BASHA SI PRESIDENT
Ilir Meta duket shumë i shqetësuar me të drejtë nga drafti i Damian Gjiknurit për Kodin Zgjedhor, ndaj edhe po reagon përditë me ashpërsi. Megjithëse si President e ka mbyllur historinë e tij me zgjedhjet, kur ka dekretuar 25 prillin, të vetmin rol që i ka caktuar kushtetuta. Më tepër se kaq nuk mund të bëjë, të paktën zyrtarisht.
Çudia është se Lulzim Basha nuk po ndihet fare dhe kuptohet qartë që është i relaksuar. Ndërkohë që i takon të jetë pala më e interesuar dhe personi më i vëmendshmëm për rregullat e lojës së 25 prillit. Këtë qetësi, thua ta ketë vetëm nga sondazhet që e nxjerrin fitues plebishitar, apo ka ndonjë arsye më shumë?
Sepse sot Presidenti ngjan sikur po bën punën e liderit të opozitës, kurse Lulzim Basha po sillet si të ishte kryetar shteti, të cilit nuk ia lejon detyra të përzihet me punët e partive politike. Dhe hajde mos i beso pastaj ato thashethemet që Ilir Meta do të bëhet kryeministër, pas këtyre zgjedhjeve, të cilat Edi Rama i pilotoi fillimisht në një media të Ylli Ndroqit dhe pastaj u bënë popullore.
https://www.facebook.com/Astrit.Patozi/posts/3484679144925297
