Mediat serbe kanë publikuar pamjet nga përplasja midis Presidentit Aleksandër Vuçiç, dhe udhëheqësit të Partisë Popullore serbe Vuk Jeremiç. Përplasja, e ndodhur dita ditë më parë në selinë e Presidencës, filloi me fjalë dhe shte në prag të një përleshjeje fizike.
Përfaqësuesit e Partisë Popullore Serbe, Vuk Jeremiç, Vladimir Gajiç, Miroslav Aleksiç e Borislav Novakoviç u shfaqën në hollin e presidencës serbe të premten në mëngjes.
Kjo për shkak se Vuçiç u tha t’i shkonin aty nëse kanë punë me të, duke i akuzuar se po e linçonin. Në fillim të videos, Jeremiç i thotë Vuçiçit se ai është tradhtar dhe frikacak.
Debati
Vuk Jeremiç: Dil. A dëshiron të dalim bashkë?
Aleksandër Vuçiç: Dalim! Eja!
Vuk Jeremiç: Dalim!
Aleksandër Vuçiç: Dëshironi të dilni i pari?
Vuk Jeremiç: Ju jeni presidenti! Eja! Doni të dal?
Aleksandër Vuçiç: Kudo që dëshiron! Kudo që dëshiron ti!
Situata politike në Serbi
Në një konferencë për shtyp të enjten e kaluar, Vuçiç i tha përfaqësuesve Partisë Popullore se ai ishte i gatshëm të luftonte me ta dhe se ai “do të merrej personalisht me to. Anëtarët e Partisë Popullore iu përgjigjën ftesës së kreut të shtetit dhe të nesërmen, të premten në mëngjes, ata u paraqitën në ndërtesën e Presidencës.
“Ne të gjithë erdhëm dhe ai tha se do të luftonte. Erdhëm për t’i thënë presidentit se nuk kemi frikë prej tij. Ai na ftoi dhe jemi këtu për të kërkuar një pritje për të parë se çfarë donte të thoshte,” tha kreu i Partisë Popullore, Vuk Jeremic, para se të hynte në Presidencë.
