Deputetja e opozitës së re parlamentare, Rudina Hajdari, ka zbardhur detaje nga takimi i zhvilluar mëngjesin e sotëm me presidentin Meta.
Përmes një postimi në Facebook, Hajdari sqaron se i ka kërkuar kreut të shtetit të ndalë lojën e vjetër dhe të shëmtuar politike, që sipas saj ka vënë në shënjestër institucionet e drejtësisë me qëllim delegjitimimin e tyre.
“Përplasja” President-KED/ Nxehet situata, paralajmërohet publikimi i një video
Sipas saj, vendi nuk ka nevojë për burra që hiqen si të fortë para kamerave, por për institucione të forta të cilat japin drejtësi për të gjithë. Ajo theksoi se të njëjtën kërkesë do ia bëjë në vazhdim edhe kryeministrit Rama.
Postimi i plotë:
I kërkova Kryetarit të Shtetit, Presidentit të Republikës, dhe në vazhdim do ia kërkoj edhe Kryeministrit e të gjithë faktorëve politikë, që të ndalin urgjentisht lojën e vjetër dhe të shëmtuar politike e cila ka vënë në shënjestër institucionet e drejtësisë me qëllim delegjitimimin e tyre.
Meta bën lëvizjen e radhës, ja çfarë paralajmëron për ditët në vijim
Për 29 vite me radhë, kjo klasë politike i ka dobësuar e delegjitimuar qëllimisht institucionet, në mënyrë që i vetmi autoritet në vend të ishin kryetarët e dy apo tre partive. Prandaj për 29 vite Shqipëria ka parë shumë krim dhe aspak ndëshkim.
Ka ardhur koha që kjo të marrë fund. Vendi, sot më shumë se kurrë, ka nevojë jo për burra që hiqen si të fortë para kamerave, por për institucione të forta të cilat japin drejtësi për të gjithë, të varfër apo të pasur, me apo pa pushtet. Ka ardhur koha që vendin ta qeverisin institucionet, ligji dhe kushtetuta.
