Tërmeti që shkaktoi pasoja tragjike në vend, ka sjellë reagimin e menjëhershëm të mbarë shqiptarëve. Ata kanë qenë të gatshëm për të ndihmuar me ç’kanë mundur banorët e prekur nga tërmeti që tronditi vendin mëngjesin e të martës.
Drejtuesi i Fondacionit “Fundjavë Ndryshe”, Arbër Hajdari, i ftuar këtë mbrëmje në emisionin “Open” deklaroi se vetëm për dy ditë janë mbledhur 1.5 milionë dollarë. Kjo shumë është arritur falë bashkëpunimit me rreth 60 mijë dhurues, të cilët kanë dhuruar përmes platformës online.
“Për 48 orë janë mbledhur 1 milionë e 500 mijë dollar në Go Found Me”- u shpreh Arbër Hajdari. Ai gjithashtu tha se janë mbledhur rreth 1 mijë e 200 tonë ndihma.
Para 3 orësh, kryeministri Edi Rama ishte në qendrën e “Fundjavë Ndryshe” ku i kam kërkuar që të gjithë organizatat dhe personat që kanë mbledhur fonde të ulen në një tryezë ku të diskutohet fusha e ndërtimit dhe të niset menjëherë nga puna”, theksoi Hajdari.
Po ashtu, i bëri thirrje qytetarëve që të mos dhurojnë para në profilet e rreme në rrjete sociale, pasi këto ditë janë të shumtë ata persona që mashtrojnë për të marrë paratë që dhurohen nga njerëzit për të prekurit nga tërmeti.
