“Fundjavë Ndryshe” vijon me misionin fisnik, për t’u qëndruar pranë familjeve që janë përballur me vështirësi të shumta si shëndetësore dhe ekonomike. Arbër Hajdari ka qenë në Shkodër, ku ka realizuar takime “kokë më kokë” me kryetarin e Bashkisë Shkodër, z. Bardh Spahia dhe Prefektin e Shkodrës znj. Majlinda Angoni.
Takimi me Bardh Spahinë ishte për të krijuar urën e bashkëpunimit për identifikimin e familjeve në nevojë, koordinimin dhe mbështetjen e “Fundjavë Ndryshe” për Shkodrën.
Drejtori i fondacionit “Fundjavë Ndryshe” ka vënë në dukje se ky takim ishte për të lehtësur rastet përmes ndihmave ushqimore, strehimit, rasteve shëndetësore etj. E ndërsa gjatë takimit me znj. Majlinda Angoni kanë diskutuar për problematikat e Prefekturës Shkodër dhe emergjencat civile.
