Ka nisur me debate sesioni i ri plenar, ku në fokus kanë qenë, mes të tjerash, edhe marrëveshjet e shtetit shqiptar me kompanitë që kanë prodhuar vaksina kundër koronavirusit.
Deputetja Rudina Hajdari ka refuzuar të votojë aktin normativ për miratimin e marrëveshjes së fshehtë të qeverisë shqiptare me kompaninë Pfizer, e cila prodhon vaksinën kundër koronavirusit.
Ajo u shpreh se nuk është informuar në lidhje me këtë çështje, dhe se gjithçka duhet të bëhet transparente edhe për qytetarët.
Rudina Hajdari: “Nuk jam informuar në lidhje me këtë takim që keni bërë dhe diskutimit që keni bërë dhe nuk jam dakord me mënyrën e procedimit sepse është një çështje tejet sensitive dhe duhet të jemi sa më transparentë me qytetarët dhe aktet normative nuk kanë pse të kalojnë sot. Ne mund të mblidhemi në një seancë tjetër dhe të njihemi me këto akte. Nuk kemi pse sillemi sikur ka ndonjë sekret të madh. Duhet të jemi transparentë se si merren këto vaksina dhe qytetarët të jenë në dijeni”.
