Ministri i Bujqësisë dhe Zhvillimit Rural, Bledi Çuçi ka komentuar përgjimet e publikuara nga gazeta gjermane Bild.
I ftuar në studion e “Opinion” në News 24, ministri habiti me qëndrimin e tij, teksa tha se ndarja e punonjësve në lista sipas partive PD-PS është mëse normale.
Jo vetëm kaq, por Çuçi tha se Astrit Avdylaj nuk është kriminel për sa kohë nuk është i dënuar e më tej tha se publikimi i këtyre përgjimeve nuk ndikon aspak në imazhin e Shqipërisë, por mund të ndikojë në turizëm.
Pyetje nga gazetarja Bruko: Ju duket normale të kërkohet ndarja në lista e punonjësve se sa njerëz janë me PS dhe sa me PD-në?
Çuçi: Sigurisht që është normale. Kështu funksionon në çdo parti, mendoni se opozita s’e bën? Ne i ndajmë në lista në bazë të preferencave dhe kjo është më normalja që bën çdo deputet apo kandidat, që më pas nuk ka pse merret me të majtët, por kërkon të bindë ata që mbështesin kundërshtarët.
Avdylaj nuk është kriminel, nuk e ka dënuar gjykata akoma, pra dyshohet, është akoma i dyshuar.
Më shqetëson, sepse nuk është e vërtetë. Më shqetëson shumë, kjo nuk ka rëndësi sepse nuk e beson këtë Brukseli, nuk e beson Gjermania, nuk e besojnë qeveritë evropiane. Sapo mora konfirmimin nga Brukseli, të gjitha vendet janë gati që të Shqipëria të çelë negociatat me përjashtim të dy vendeve që janë skeptike për dy çështje të ndryshme.
Krijon përshtypje shumë të keqe për Shqipërinë që mund të ndikojë, nuk mund të vijë një turist nga Gjermania pasi ka parë këtë lajm.
Por Shqipëria nuk cenohet nga këto përgjime. Nuk dëmtohet Shqipëria dhe imazhi i saj nga këto përgjime.
Për imazhin e Shqipërisë as nuk bëhet fjalë fare, fare, fare!/ Tirana Today
E PLOTË/ Përgjimet E ZBARDHURA, Bild nxjerr bisedat: Si manipuloi mafia zgjedhjet në Shqipëri
