Robert Aliaj njihet si një ndër personazhet më të drejtpërdrejtë në vendin tonë dhe për kontroversalitetin që e karakterizon.
Në një intervistë ekskluzive për Revista MAPO, ai ka folur hapur për vështirësitë që ka kaluar e deri tek suksesi që ka arritur tashmë në botën e televizionit dhe jo vetëm.
Aliaj në intervistë, u pyet për përmendjen e vendit tonë në një nga strofat e tij të këngës dhe përgjigjja e tij ishte me të vërtetë e habitshme.
Pyetja: Në këngë e komentoni Shqipërinë si vendin ku shpresoni vetëm të vdisni, s’mund të jetohet në Shqipëri apo çfarë?
Përgjigjja: Momentalisht është vendi ideal për të vdekur. E di pse? Sepse një popull me një mentalitet të tillë që lufton vetëm për bukën e gojës, nuk ka arsye, as nevojë për kulturë, as për të kërkuar ndryshime sociale. I duhet vetëm një furrë buke dhe një nevojtore.
